ನಾಲಂದ ಮಹಾವಿದ್ಯಲಯದ ಪ್ರಥಮ ವರ್ಷದ ವಿದ್ಯಾರ್ಥಿ/ ವಿದ್ಯಾರ್ಥಿನಿಯರಲ್ಲಿ ಗರಿಷ್ಠ ಸಾಧನೆ ಮಾಡಿದವರಿಗೆ ಕೊಡಮಾಡುವ ’ವಿದ್ಯಾಸಿಂಧು’ ಹೆಸರಿನಲ್ಲಿ ದತ್ತಿನಿಧಿಯೊಂದನ್ನು ಸ್ಥಾಪಿಸಲಾಗಿದೆ. ಈ ಸಂಬಂಧ ಬಿಎಸ್ಸಿ ಜಿಯಾಗ್ರಫಿ ವಿಭಾಗಕ್ಕೆ ದಿ| ಸೋಮಜೆ ಮಹಾಲಿಂಗ ಭಟ್ಟ ಅವರ ಹೆಸರಿನಲ್ಲಿ ಸ್ಥಾಪಿಸಲಾದ ದತ್ತಿನಿಧಿಗೆ ಮಕ್ಕಳಾದ ಶ್ರೀ ಗೋವಿಂದರಾಜ ಮತ್ತು ಸಹೋದರರು 1,50,000 ರೂಪಾಯಿಗಳ ಚೆಕ್‌ನ್ನು ನಾಲಂದದ ಕಾರ್ಯನಿರ್ವಹಣಾಧಿಕಾರಿ ಶ್ರೀ ಕೆ. ಶಿವಕುಮಾರ್ ಅವರಿಗೆ ಸಮರ್ಪಿಸಿದರು. ಸೋಮಜೆ ಶ್ರೀ ಗೋವಿಂದರಾಜರ ಮನೆಯಲ್ಲಿ ನಡೆದ ಈ ಸಮರ್ಪಣಾ ಸಮಯದಲ್ಲಿ ಆಡಳಿತ ಸಮಿತಿಯ ಸದಸ್ಯ ಶ್ರೀ ಶಂ.ನಾ.ಖಂಡಿಗೆ ಹಾಜರಿದ್ದು ಸೋಮಜೆ ಸಹೋದರರಿಗೆ ಕೃತಜ್ಞತೆ ಸಲ್ಲಿಸಿದರು.
