ನಾಲಂದ ಕಾಲೇಜಿನ ಎನ್.ಎಸ್.ಎಸ್‌ನ ವತಿಯಿಂದ ಅಂತರಾಷ್ಟ್ರೀಯ ಮಹಿಳಾ ದಿನಾಚರಣೆಯನ್ನು ಆಚರಿಸಲಾಯಿತು. ಕಾರ್ಯಕ್ರಮದಲ್ಲಿ ಸಂಪನ್ಮೂಲ ವ್ಯಕ್ತಿಯಾಗಿ ಶ್ರೀಮತಿ ಆಯಿಷಾ ಎ.ಎ ಅಧ್ಯಕ್ಷೆ ವಿದ್ಯಾಭ್ಯಾಸ ಸ್ಥಾಯೀ ಸಮಿತಿ ಎಣ್ಮಕಜೆ ಗ್ರಾಮಪಂಚಾಯತಿ ಮಾತಾನಾಡಿತ್ತಾ ಬೀಡಿಕಟ್ಟುವ ಮಹಿಳೆ ಅಂಗಳಕ್ಕಿಳಿದು ಗಗನಕ್ಕೆ ಹಾರಿ ಒಳ್ಳೆಯ ಕುಟುಂಬ ಕಟ್ಟುವಲ್ಲಿ ಪಾತ್ರವಹಿಸಿ ಸಮಾಜ ಸೇವಕಿಯಾಗಿ, ಪತ್ನಿಯಾಗಿ, ಸಮಾಜ ಸುಧಾರಕಿಯಾಗಿ, ಸ್ತ್ರೀ ಶೋಷಣೆಗೆ ವಿರುದ್ಧವಾಗಿ ಕಾರ್ಯನಿರ್ವಹಿಸಿ ಸಮಾಜದ ಅಭಿವೃದ್ಧಿಗೆ ಶ್ರಮಿಸಬೇಕು ಎಂದು ಹೇಳಿದರು.
ಉಪನ್ಯಾಸಕಿ ವಿನೀಷ, ಎಳವೆಯಲ್ಲಿ ಪೊಷಕರ ಆಶ್ರಯದಲ್ಲಿ, ಯೌವ್ವನದಲ್ಲಿ ಗಂಡನ ಆಸರೆಯಲ್ಲಿ, ವೃದ್ಧಾಪ್ಯದಲ್ಲಿ ಮಕ್ಕಳ ನೆರವಿನಿಂದ ಜೀನನ ಸಾಫಲ್ಯ ಪಡೆಯಬೇಕು, ಮಾತ್ರವಲ್ಲ ಬದಲಾವಣೆಗೆ ತಯಾರಾಗಿರಬೇಕು ಎಂದು ಹೇಳಿದರು.
ಎನ್.ಎಸ್.ಎಸ್‌ನ ಯೋಜನಾಧಿಕಾರಿ ಶ್ರೀ ಶಂಕರಖಂಡಿಗೆ ತಮ್ಮ ಪ್ರಸ್ತಾವಿಕ ಭಾಷಣದಲ್ಲಿ ಸ್ರೀ ಅಬಲೆಯಲ್ಲ ಸಾಧಿಸಿದರೆ ಏನು ಮಾಡಬಹುದೆಂದು ಚರಿತ್ರೆಯೆ ಸಾಕ್ಷಿ. ಮಕ್ಕಳಿಗೆ ಸಂಸ್ಕಾರಯುತ ಜೀವನ ಮೌಲ್ಯವನ್ನು ಹೇಳಿಕೊಡುವಲ್ಲಿ ತಾಯಿಯಕೊಡುಗೆ ಅಪಾರ ಎಂದರು.
ಎನ್.ಎಸ್.ಎಸ್‌ನ ಕಾರ್ಯದರ್ಶಿ ವಿಕಾಸ್ ಉಪಸ್ಥಿತರಿದ್ದರು, ಎನ್.ಎಸ್.ಎಸ್‌ನ ಸದಸ್ಯೆ ಅರ್ಪಿತಾ ಸ್ವಾಗತಿಸಿ, ವೈಶಾಲಿ ವಂದಿಸಿದರು. ಕಾವ್ಯ ಚಂದ್ರನ್‌ ಕಾರ್ಯಕ್ರಮ ನಿರೂಪಿಸಿದರು.