ಜಲ ಸಾಕ್ಷರತಾ ಅಭಿಯಾನ ರ್ಯಾಲಿ

ಪೆರ್ಲ: ನಾಲಂದ ಮಹಾವಿದ್ಯಾಲಯದ ಭೂಮಿತ್ರಾ ಸೇನಾ ಹಾಗೂ ಕಾಲೇಜಿನ ವಿದ್ಯಾರ್ಥಿಗಳನ್ನೊಳಗೊಂಡ ಜಲ ಸಾಕ್ಷರತಾ ಅಭಿಯಾನವನ್ನು ರ್‍ಯಾಲಿ ನಡೆಸಿ ಜಲ ಸಂರಕ್ಷಣೆಯ ಘೋಷಣೆಗಳನ್ನು ಕರೆದು ಜಾಗೃತಿ ಮೂಡಿಸುವ ಕಾರ್ಯಕ್ರಮಕ್ಕೆ ಚಾಲನೆ ನೀಡಲಾಯಿತು. ರ್ಯಾಲಿ ಕಾಲೇಜಿನ ಪರಿಸರದಿಂದ ಆರಂಭವಾಗಿ ಪೆರ್ಲ ಪೇಟೆಯಲ್ಲಿ ಸಮಾಪಣೆಗೊಂಡಿತು. ಜಲ ಸಾಕ್ಷರತಾ ಅಭಿಯಾನವನ್ನು ನಾಲಂದ ಮಹಾವಿದ್ಯಾಲಯದ ಆಡಳಿತಾಧಿಕಾರಿ ಕೆ. ಶಿವಕುಮಾರ್ ಉದ್ಘಾಟಿಸಿ, ಪಂಚಭೂತಗಳಲ್ಲಿ ನೀರು ಮತ್ತು ಗಾಳಿ ಅತೀ ಪ್ರಧಾನವಾದದ್ದು. ಇವೆರಡರ ಲಭ್ಯತೆ ಮತ್ತು ಗುಣಮಟ್ಟ ಗಣನೀಯವಾಗಿ ವೈಪರೀತ್ಯವಾಗಿರುವುದು ವಿಷಾಧನೀಯ. ಜಲ ಸಂರಕ್ಷಣೆ ಮತ್ತು ಉಸಿರಾಡಲು ಶುದ್ಧ ಗಾಳಿ ಸುಸ್ಥಿರವಾಗಿರಲು ಜಾಗೃತಿ ಮೂಡಿಸುವುದು ಸ್ತುತ್ಯರ್ಹಎಂದು ಹೇಳಿದರು.

ಕಾಲೇಜಿನ ಪ್ರಾಂಶುಪಾಲರಾದ ಪ್ರೊ| ಎಸ್.ಎನ್. ಹೊಳ್ಳ, ಪ್ರಸ್ತುv ತೀವ್ರ ಜಲ ಕ್ಷಾಮ ಎದುರಿಸುವ ಈ ಕಾಲಘಟ್ಟದಲ್ಲೇ ವಿದ್ಯಾರ್ಥಿಗಳ ಜಲ ಅಭಿಯಾನ ಪರಿಣಾಮಕಾರಿಯಾಗಲಿದೆ, ವಿದ್ಯಾರ್ಥಿಗಳು ಸಮಯ ಪ್ರಜ್ಞೆಯಿಂದ ಜೀವವೈವಿಧ್ಯದ ಉಳಿವಿಗಾಗಿ ಮಾಡುವ ಈ ಅಭಿಯಾನ ನಿರಂತರವಾಗಿರಲಿ ಹಾಗೂ ಇತರರಿಗೆ ಮಾದರಿಯಾಗಲಿ ಎಂದು ಶುಭಹಾರೈಸಿದರು.

ಪೆರ್ಲ ಪೇಟೆಯಲ್ಲಿ ಅಭಿಯಾನದ ಸಮಾರೋಪ ಕಾರ್ಯಕ್ರಮವನ್ನು ಕ್ಷೇಮಕಾರ್ಯ ಸ್ಥಾಯಿ ಸಮಿತಿ ಎಣ್ಮಕಜೆ ಪಂಚಾಯತ್ ಇದರ ಅಧ್ಯಕ್ಷರಾದ ಬಿ. ಉದಯ ಚೆಟ್ಟಿಯಾರ್ ಉದ್ಘಾಟಿಸಿದರು. ಜೀವಜಲ ಕಿರುಚಿತ್ರ ವಿದ್ಯಾರ್ಥಿಗಳಿಗೊಂದು ಪ್ರೇರಣಾ ಮಾರ್ಗಹಾಗೂ ಶಾಲಾ, ಕಾಲೇಜಿನ ವಿದ್ಯಾರ್ಥಿಗಳು ಈ ರೀತಿಯ ಅಭಿಯಾನದಲ್ಲಿ ತಮ್ಮನ್ನು ತಾವು ತೊಡಗಿಸಿಕೊಳ್ಳವುದು ಶ್ಲಾಘನೀಯ. ಈ ಅಭಿಯಾನ ನಿರಂತರವಾಗಿರಲಿ ಮತ್ತು ವಿದ್ಯಾರ್ಥಿಗಳು ಸಂಘಟಿಸುವ ಜಲಜಾಗೃತಿ ಅಭಿಯಾನದ ಸಂದೇಶ ಜನಮನ ಮುಟ್ಟುವಲ್ಲಿ ಸಫಲವಾಗಲಿ ಎಂದು ಶುಭ ಹಾರೈಸಿದರು.

ಎನ್.ಎಸ್.ಎಸ್‌. ಯೋಜನಾಧಿಕಾರಿ ಹಾಗೂ ಅರ್ಥಶಾಸ್ತ್ರ ವಿಭಾಗದ ಉಪನ್ಯಾಸಕರಾದ ಶ್ರೀ ಶಂಕರಖಂಡಿಗೆ ಅವರು ರ್‍ಯಾಲಿಯ ಸಮಾರೋಪ ಕಾರ್ಯಕ್ರಮದಲ್ಲಿ ಪ್ರಾಸ್ತಾವಿಕವಾಗಿ ಮಾತಾನಾಡಿ ಕಾಸರಗೋಡಿಗೆ ಎದುರಾಗುವ ಬರಗಾಲವನ್ನು ದೂರ ಮಾಡಲು ಭೂಮಿಯ ಮೇಲ್ಮೈ ನೀರಿನ ಸದುಪಯೋಗ ಅತೀ ಅಗತ್ಯ. ಶ್ರೀ ಅಶೋಕ್ ಮೊಟ್ಟಕುಂಜ ಅವರ ನೇತೃತ್ವದ ಕಾಲೇಜಿನ ವಿದ್ಯಾರ್ಥಿಗಳ ತಂಡ ಮಾಡುತ್ತೀರುವಜಲ ಸಾಕ್ಷಾರತ ಅಭಿಯಾನ ಹಾಗೂ ಕಿರುಚಿತ್ರ ಜೀವಜಲ ಹೊಸ ಸಂಚಲನ ಮೂಡಿಸಲಿದೆ ಎಂದು ಹೇಳಿದರು.

ಕಿರುಚಿತ್ರ ಜೀವಜಲದ ನೀರ್ದೆಶಕ ಹಾಗೂ ಜಲ ಸಾಕ್ಷರತಾ ಅಭಿಯಾನದ ಸಂಚಾಲಕ ಶ್ರೀ ಅಶೋಕ್ ಮೊಟ್ಟಕುಂಜ ಅವರು ರ್‍ಯಾಲಿಯನ್ನುದ್ದೇಶಿಸಿ ತೃತೀಯ ಲೋಕ ಮಹಾಯದ್ಧ ನಡೆಯವುದಾದರೆ ಅದು ನೀರಿಗಾಗಿ ಎಂಬ ಅಭಿಪ್ರಾಯಗಳ ಬಗ್ಗೆ ವಿದ್ಯಾರ್ಥಿಗಳು, ಯವಜನತೆ ಎಚ್ಚೆತ್ತುಕೊಳ್ಳಬೇಕಾಗಿದೆ. ಜಲಮೂಲ ಸಂರಕ್ಷಣೆ ನಮ್ಮ ಧ್ಯೇಯ ಎಂದು ಸಾರಿದರು.

ಜೀವಜಲ ಕಿರುಚಿತ್ರದ ಹಿನ್ನೆಲೆ ಸಹಾಯಕರಾಗಿರುವ ಶ್ರೀ ವಿಷ್ಣುಪ್ರಕಾಶ್ ಮುಳ್ಳೇರಿಯ, ಕಾಲೇಜಿನ ಉಪನ್ಯಾಸಕಾರಾದ ಶ್ರೀ ಕೇಶವ ಶರ್ಮ, ಭೂಮಿತ್ರ ಸೇನಾ ಸಂಚಾಲಕ ರಂಜಿತ್‌ಕುಮಾರ್, ಉಪನ್ಯಾಸಕಿಯರಾದ ಶ್ರೀಮತಿ ಶಾಂಭವಿ, ಶ್ರೀಮತಿ ಉಷಾಶ್ರೀ, ಕುಮಾರಿ ಗೀತಾ ವಿ. ಭಟ್ ಮತ್ತು ಹೆಚ್ಚಿನ ಸಂಖ್ಯೆಯಲ್ಲಿ ವಿದ್ಯಾರ್ಥಿಗಳು ರ್‍ಯಾಲಿಯಲ್ಲಿ ಭಾಗವಹಿಸಿದರು.