ಪೆರ್ಲ: ನಾಲಂದ ಮಹಾವಿದ್ಯಾಲಯ ಎನ್.ಎಸ್.ಎಸ್ ಘಟಕ ಮತ್ತು ಜೆ.ಸಿ.ಐ.ಯ ಸಹಯೋಗದೊಂದಿಗೆ ನಾಯಕತ್ವ ಕೌಶಲ್ಯದ ಕುರಿತು ಒಂದು ದಿನದ ವಿಚಾರಗೋಷ್ಠಿ ಕಾಲೇಜಿನಲ್ಲಿ ನಡೆಯಿತು. ಕಾರ್ಯಕ್ರಮದ ಅಧ್ಯಕ್ಷತೆಯನ್ನು ಕಾಲೇಜಿನ ಆಡಳಿತ ಅಧಿಕಾರಿ ಶಿವಕುಮಾರ್ ವಹಿಸಿ ನಾಯಕನಾದವ ಜವಬ್ದಾರಿಯುತವಾಗಿ ವರ್ತಿಸಿ ಗುಂಪನ್ನು ಮುನ್ನಡೆಸವ ಕೌಶಲ್ಯ ಹೊಂದಿರಬೇಕು ಮತ್ತು ಅವನು ಇತರರಿಗೆ ಮಾದರಿಯಾಗುತ್ತಾನೆ. ನಾಯಕತ್ವಕೌಶಲ್ಯ ವಿಚಾರಧಾರೆ ವಿದ್ಯಾರ್ಥಿಗಳಿಗೆ ಸಹಕಾರಿಯಾಲಿದೆ ಎಂದು ಹೇಳಿದರು.
ವಿದ್ವಾನ್ ಎಸ್.ಬಿ. ಖಂಡಿಗೆ ಅವರು ಕಾರ್ಯಕ್ರಮವನ್ನು ಉದ್ಘಾಟಿಸಿ ಸಮಾಜ ಸೇವೆಗೋಸ್ಕರ ತಮ್ಮನ್ನು ತಾವು ತೊಡಗಿಸಿಕೊಳ್ಳುವಾಗ ರಾಷ್ಟ್ರೀಯ ಸೇವಾ ಯೋಜನೆಯ ಉದ್ದೇಶ ಪೂರ್ಣಗೊಳ್ಳವುದು. ಒಬ್ಬ ಉತ್ತಮ ನಾಯಕನಾಗಬೇಕಾದರೆ ಸಂವಹನ ಕೌಶಲ್ಯ, ಪ್ರೇರಣೆ, ಧನಾತ್ಮಕತೆ, ಕ್ರೀಯಾತ್ಮಕತೆ, ನಂಬಲರ್ಹವಾಗಿರುವಿಕೆ, ಜವಾಬ್ದಾರಿವಹಿಸುವಿಕೆ, ಮೊದಲಾದ ಗುಣಗಳನ್ನು ಮೈಗೂಡಿಸಿಕೊಂಡಿರಬೇಕು ಎಂದು ಹೇಳಿದರು.
ಜೆ.ಸಿ. ಧೀರೇಂದ್ರ ಜೈನ್ ಉಪನ್ಯಾಸಕರು ಆಳ್ವಾಸ್ ನರ್ಸಿಂಗ್ ಕಾಲೇಜು ಮೂಡಬಿದಿರೆ ಸಂಪನ್ಮಾಲ ವ್ಯಕ್ತಿಯಾಗಿ ಭಾಗವಹಿಸಿ, ವಿದ್ಯಾರ್ಥಿಗಳಲ್ಲಿ ನಾಯಕತ್ವ ಗುಣಗಳನ್ನು ಬೆಳೆಸುವ ಹಲವಾರು ಚಟುವಟಿಕೆಗಳನ್ನು ಮಾಡುವುದರ ಮೂಲಕ ವಿದ್ಯಾರ್ಥಿಗಳ ಗಮನ ಸೆಳೆದರು.
ಯಶಸ್ವಿನಿ ಶಾಸ್ತ್ರಿ ಉಪಾಧ್ಯಕ್ಷರು ಕೇಪು ಗ್ರಾಮ ಪಂಚಾಯತು ಮತ್ತು ಅಧ್ಯಕ್ಷರು ಜೆ.ಸಿ.ಐ ವಿಟ್ಲ ವರ್ಷ, ಮೋಹನ್ (ವಕೀಲರು) ಜೆ.ಸಿ.ಐ ವಿಟ್ಲ ವರ್ಷ ಕುಮಾರಿ ಸವಿತಾಜೊತೆ ಕಾರ್ಯದರ್ಶಿ, ಜೆ.ಸಿ.ಐ. ವಿಟ್ಲ ವರ್ಷ, ಕಾಲೇಜಿನ ಉಪನ್ಯಾಸಕಿಗಳಾದ ಕು:ಮಧುರವಾಣಿ, ಕು:ಗೀತಾ ಭಟ್, ಎನ್.ಎಸ್.ಎಸ್ ಕಾರ್ಯದರ್ಶಿ ಸುಧಾಕರ ಮೊದಲಾದವರು ಉಪಸ್ಥಿತರಿದ್ದರು.
ಎನ್.ಎಸ್.ಎಸ್ ಯೋಜನಾಧಿಕಾರಿ ಶಂಕರ ಖಂಡಿಗೆ ಸ್ವಾಗತಿಸಿ, ಕಾರ್ಯದರ್ಶಿ ವಿಕಾಶ್ ವಂದಿಸಿ, ಕಾವ್ಯಚಂದ್ರನ್ ಕಾರ್ಯಕ್ರಮ ನಿರೂಪಿಸಿದರು.